மாஸ்கோவில் நடைபெற்ற உலக தடகள சாம்பியன்ஷிப் போட்டியில், ஜமைக்காவின் உசைன் போல்ட் மூன்று தங்கம் வென்றுள்ளார். மேலும் பதக்க பட்டியலில் ரஷ்யா முதலிடம் பெற்று அசத்தியது.
ரஷ்ய தலைநகர் மாஸ்கோவில் பதினான்காவது உலக தடகள சாம்பியன்ஷிப் போட்டிகள் நடைபெற்றது. நேற்று நடந்த ஆண்களுக்கான 4*100 மீ., தொடர் ஓட்டத்தில், பந்தய தூரத்தை 37.36 வினாடியில் கடந்த, உலகின் மின்னல் வேக மனிதன் உசைன் போல்ட் அடங்கிய ஜமைக்கா அணி, முதலிடம் பிடித்து தங்கம் வென்றது. இதன் மூலம், உலக தடகள சாம்பியன்ஷிப் வரலாற்றில், 4*100 மீ., தொடர் ஓட்டத்தில் ஜமைக்கா அணி "ஹாட்ரிக்' தங்கப் பதக்கத்தை கைப்பற்றியது. இது இத்தொடரில் உசைன் போல்டின் மூன்றாவது தங்கப் பதக்கம். ஏற்கனவே இவர், 100, 200 மீ., ஓட்டத்தில் தங்கம் வென்றார். இதன் மூலம் உலக தடகளத்தில் இரண்டு முறை (2009, 2013) மூன்று தங்கம் பதக்கத்தை உசைன் போல்ட் வென்றுள்ளார் எனபது குறிப்பிடத்தக்கது.
|
