இதயத்துடிப்பை அதிகரிக்க செய்யும் ஒயர்லெஸ் பேஸ்மேக்கரை, அறுவை சிகிச்சை இன்றி நோயாளியின் இதயத்தில் நேரடியாகப் பொருத்தி, அமெரிக்க இந்திய மருத்துவர் ஒருவர் சாதனை படைத்துள்ளார்.
ஒருவரின் இதயம், சராசரி துடிப்பில் இருந்து மெதுவாக துடிக்கும்போது, அதன் துடிப்பின் வேகத்தை அதிகரிக்க, ஓப்பன் ஹார்ட் சர்ஜரியில், இதயத்திற்கு வெளியே, பேஸ்மேக்கர் என்ற கருவி பொருத்தப்பட்டு, ஒயர்கள் மூலம், இதயத் துடிப்பு சரி செய்யப்படுகிறது. அமெரிக்காவில் வசிக்கும் இந்திய வம்சாவளியைச் சேர்ந்த, இதய அறுவை சிகிச்சை நிபுணர், மருத்துவர் விவேக் ரெட்டி, ஒயர்லெஸ் பேஸ்மேக்கரை, அறுவை சிகிச்சையின்றி, நோயாளியின் தொடை வழியாக, நேரடியாக இதயத்தின் உள்ளே பொருத்தியுள்ளார்.
ஒயர்லெஸ் பேஸ்மேக்ர் குறித்து, விவேக் ரெட்டி கூறியதாவது:
பேட்டரியில் இயங்கும் வகையில் உருவாக்கப்பட்டுள்ள இந்த பேஸ்மேக்கர் கருவி, முந்தைய பேஸ்மேக்கரை விட, 10 சதவீதம் சிறியது. இதயத்தின் மின் அதிர்வை கண்காணித்து, இதயத் துடிப்பு மெதுவாகும் போது, பேஸ்மேக்கரில் உள்ள சர்க்கியூட், எலக்ட்ரிகல் சிமுலேஷன் தெரபி அளித்து இதயத் துடிப்பை வேகப்படுத்துகிறது. இந்த பேஸ்மேக்கரால், தொற்று நோய் அபாயமோ அல்லது பிற நோய்களோ ஏற்படாது. என விவேக் ரெட்டி கூறியுள்ளார்.
|